Raportita de Luko 2020-3-3

Britio formale forlasis la Eŭropan Union en la vespero de la 31-a de januaro, finante 47 jarojn da membreco. Ekde tiu momento, Britio eniras la transiran periodon. Laŭ la nunaj aranĝoj, la transira periodo finiĝas fine de 2020. Dum tiu periodo, Britio perdus sian membrecon en EU, sed ankoraŭ devus obei la regulojn de EU kaj pagi la EU-buĝeton. La registaro de la brita ĉefministro Johnson la 6-an de februaro prezentis vizion por komerca interkonsento inter Britio kaj Usono, kiu simpligus la eksportadon de varoj el ĉiuj landoj al Britio por akceli britan komercon post kiam Britio forlasos la Eŭropan Union. Britio prioritate premas por interkonsento kun Usono, Japanio, Aŭstralio kaj Nov-Zelando antaŭ la fino de la jaro. Sed la registaro ankaŭ anoncis planojn pli vaste faciligi komercan aliron al Britio. Britio povos difini siajn proprajn imposttarifojn post kiam la transira periodo finiĝos fine de decembro 2020, laŭ la plano anoncita marde. La plej malaltaj tarifoj estus forigitaj, same kiel tarifoj sur ŝlosilaj komponantoj kaj varoj ne produktitaj en Britio. Aliaj tarifoj falos al ĉirkaŭ 2.5%, kaj la plano estas malfermita al publika konsulto ĝis la 5-a de marto.