ಚೀನಾದ ಉಕ್ಕು ತಯಾರಕರಾದ ಅನ್‌ಸ್ಟೀಲ್ ಗ್ರೂಪ್ ಮತ್ತು ಬೆನ್ ಗ್ಯಾಂಗ್ ಕಳೆದ ಶುಕ್ರವಾರ (ಆಗಸ್ಟ್ 20) ತಮ್ಮ ವ್ಯವಹಾರಗಳನ್ನು ವಿಲೀನಗೊಳಿಸುವ ಪ್ರಕ್ರಿಯೆಯನ್ನು ಅಧಿಕೃತವಾಗಿ ಪ್ರಾರಂಭಿಸಿದವು. ಈ ವಿಲೀನದ ನಂತರ, ಇದು ವಿಶ್ವದ ಮೂರನೇ ಅತಿದೊಡ್ಡ ಉಕ್ಕು ಉತ್ಪಾದಕ ರಾಷ್ಟ್ರವಾಗಲಿದೆ.

ಸರ್ಕಾರಿ ಸ್ವಾಮ್ಯದ ಅನ್‌ಸ್ಟೀಲ್, ಬೆನ್ ಗ್ಯಾಂಗ್‌ನಲ್ಲಿನ ಶೇ. 51 ರಷ್ಟು ಪಾಲನ್ನು ಪ್ರಾದೇಶಿಕ ರಾಜ್ಯ ಆಸ್ತಿ ನಿಯಂತ್ರಕ ಸಂಸ್ಥೆಯಿಂದ ಪಡೆಯುತ್ತದೆ. ಇದು ಉಕ್ಕಿನ ವಲಯದಲ್ಲಿ ಉತ್ಪಾದನೆಯನ್ನು ಕ್ರೋಢೀಕರಿಸುವ ಸರ್ಕಾರದ ಪುನರ್ರಚನಾ ಯೋಜನೆಯ ಭಾಗವಾಗಿರುತ್ತದೆ.

ಈಶಾನ್ಯ ಚೀನಾದ ಲಿಯಾನಿಂಗ್ ಪ್ರಾಂತ್ಯದಲ್ಲಿನ ಕಾರ್ಯಾಚರಣೆಗಳ ಸಂಯೋಜನೆಯ ನಂತರ ಅನ್‌ಸ್ಟೀಲ್ ವಾರ್ಷಿಕ 63 ಮಿಲಿಯನ್ ಟನ್ ಕಚ್ಚಾ ಉಕ್ಕಿನ ಉತ್ಪಾದನಾ ಸಾಮರ್ಥ್ಯವನ್ನು ಹೊಂದಿರುತ್ತದೆ.

ಅನ್‌ಸ್ಟೀಲ್, HBIS ನ ಸ್ಥಾನವನ್ನು ವಹಿಸಿಕೊಂಡು ಚೀನಾದ ಎರಡನೇ ಅತಿದೊಡ್ಡ ಉಕ್ಕು ತಯಾರಕ ಕಂಪನಿಯಾಗಲಿದೆ ಮತ್ತು ಚೀನಾದ ಬಾವು ಗ್ರೂಪ್ ಮತ್ತು ಆರ್ಸೆಲರ್ ಮಿತ್ತಲ್ ನಂತರ ವಿಶ್ವದ ಮೂರನೇ ಅತಿದೊಡ್ಡ ಉಕ್ಕು ತಯಾರಕ ಕಂಪನಿಯಾಗಲಿದೆ.